Logado

Loĝado en Zagrebo

Ofertataj servoj, prezoj kaj mendokondiĉoj. Ĉiuj menciitaj hoteloj (ne nepre ankaŭ la studentejoj kaj aliaj loĝejoj) estas plene klimatizitaj, kaj ĉiuj ties ĉambroj havas telefonon, televidilon, duŝejon (kelkaj ankaŭ bankuvon) kaj necesejon. La matenmanĝo estas inkluzivita en la prezo, krom se menciite alie.

Dulitaj ĉambroj kaj hazarda kunloĝigo. La Loĝiga Servo ne povas aranĝi hazardan kunloĝigon de nekonatoj, pro kio dulitajn ĉambrojn oni disponigas nur al duopoj kiuj anticipe interkonsentis pri kunloĝado kaj menciis tion sur siaj mendiloj. Oni ĉiam fakturas la koston de plena ĉambro, do eĉ se la kunloĝanto forestas dum iu(j) tago(j).

Loĝdatoj. Kiel unuan loĝdaton oni kalkulas la daton de la alveno al la hotelo (ekloĝo): se oni venas iam post noktomezo, kalkuliĝas la dato de la antaŭa tago. Kiel lastan daton oni kalkulas la daton de la forlaso de la hotelo (foriro; do, la daton de la lasta mateno en la hotelo).

Eniro kaj eliro. Principe eblas okupi ĉambrojn post la tagmezo de la mendita dato kaj necesas forlasi la ĉambrojn ĝis la tagmezo de la lasta tago. Hoteloj estas normale flekseblaj pri tio. Se vi ne okupas ĉambron dum la unua mendita tago, oni kutime nuligas la rezervon, kaj vi perdas la pagitan sumon.
Ĝeneralaj kondiĉoj de mendoj. La kondiĉoj de mendoj kaj malmendoj estas priskribitaj dorsflanke de la mendilo kaj plurloke en la Dua Bulteno. Mendante, ĉiu kongresano akceptas tiujn kondiĉojn. Estas konsilinde legi ilin antaŭ ol plenigi kaj sendi sian mendilon.

Pago. La mendojn oni traktos nur post la ricevo de la koncerna pago.

Frueco de la mendo kaj alternativaj mendoj. Ĉar la mendeblaj kapacitoj ne estas senlimaj, kaj precipe pro tio ke la kongreso okazas dum la pinto de turisma sezono en Kroatio, gravas mendi kiel eble plej frue, kaj ne eblas garantii la plenumon de la originala mendo ĉiam laŭ la preciza deziro de la mendanto. Tial ĉe ĉiu mendo oni nepre menciu ankaŭ alternativajn loĝvariantojn.

Limdatoj. La limdato por fari mendojn estas la 1-a de majo 2001. Mendojn post tiu dato oni plenumos nur escepte, ĝis la 1-a de junio, kaj nepre kontraŭ aparta krompago (40 eŭroj). Malfruaj mendantoj havos ne-grandajn ŝancojn aranĝi sian loĝadon individue, pere de vojaĝagentejoj aŭ private. Pri malmendaj reguloj konsultu la dorsflankon de la mendilo.

Loĝkonfirmoj. Minimume monaton antaŭ la UK vi ricevos konfirmon pri via loĝado, kun detalaj informoj pri via hotelo kaj aliaj kongresaj gravaĵoj. Prezoj estas en eŭroj (EUR) por unu persono por unu nokto.

Mendilo kun la indikitaj prezoj kaj mendokondiĉoj estas en PDF-formato en TTT-paĝoj de UEA, ĝi videblas kaj preseblas helpe de programo Adobe Acrobar Reader (senpaga).

Hoteloj en Zagrebo
1. Hotelo Intercontinental. Luksa hotelo, centre en la urbo, bone ligita trame kun la kongresejo, sed fakte ankaŭ je relative proksima promen-distanco de ĝi. Antaŭ nelonge re-novigita. Proksima al la butikaj kaj universitataj kvartaloj, kaj tuj apude de la plej riĉa urba galerio-muzeo Mimara, je kelkminuta dis-tanco de la Nacia Teatro. Ĉambroj kun klimatizo, satelita televido kaj senĉesa alĉambra servo. Pluraj restoracioj kaj trinkejoj, kiuj ofertas internaciajn kaj lokajn pladojn. Sportejo kaj fermita naĝejo, solario kaj gimnastikejo, kosmetika salono kun frizejo, garaĝo kaj aŭtolua servo.
2. Hotelo Sheraton Zagreb. Luksa, novega hotelo, konstruita en 1996. Ĉiuj ĉambroj kun klimatizo, satelita televido, faksilo kaj komputila mo-demo laŭpete, du telefonlinioj, voĉ-mesaĝo kaj senĉesa alĉambra servo. Pluraj restoracioj kaj trinkejoj, kiuj ofertas internaciajn kaj lokajn pladojn, sed la hotelo aparte famas pri siaj vienecaj desertoj. Sportejo kaj fermita naĝejo, gimnastikejo, butikoj kaj aliaj konvenaĵoj. Vojaĝagentejo, garaĝo kaj aŭtolua servo.
3. Hotelo Esplanade. La oficiala hotelo de la kongreso, kie okazos parto de la kongresaj programoj, la plej proksima al la du kongresejoj. Belega, eleganta hotelo konstruita en 1925. Pro regulaj modernigoj ĝi samtempe kun sia klasika ĉarmo de la pasinto ofertas ankaŭ ĉiujn modernajn konvenaĵojn de la nuntempo. Pluraj konsideras ĝin la elita hotelo de Zagrebo. Ĝi situas ideale urbo-centre, proksime de la stacidomo, la urbo-centra parko Zrinjevac, la botanika ĝar-deno, kaj la plej densa butikuma zono de la urbo. Ĝi ofertas grandan varion de ĉambrostiloj kaj grandecoj, por ĉiu be-zono. La hotelo distingiĝas ankaŭ per sia absolute superbaj servado kaj personaro. Ĉiuj ĉambroj kun klimatizo kaj satelita televido. Lokoj en tiu ĉi hotelo estas limigitaj kaj necesas mendi kiel eble plej frue.
4. Hotelo Palace. Kvarstela klasikstila kaj eleganta hotelo en la centro, tre familieca laŭ sia etoso. Proksima al la du kongresejoj. Ĉiuj ĉambroj kun klimatizo. Restoracio kun internaciaj kaj lokaj pladoj, ĉarma kafejo kun propra teraso.
5, 6, 8, 10. Hotelo Dubrovnik. Ne eblas situi pli centre: sur la urba ĉefplaco mem, kun ĉiuj allogaĵoj de la viglega urba vivo taga kaj vespera, tuj apude de la du historiaj kvartaloj de la urbo kaj la nokta strato Tkalĉa. Hotelo Dubrovnik famas laŭ fajno kaj komforto de siaj servoj kaj facilaĵoj. La hotelo estis konstruita en 1929 kaj renovigita en 1982. Ĉiuj luksaj ĉambroj estas ekipitaj per novaj mebloj, nova banĉambro, klimatizo, satelita televido kaj rektaj telefonoj. La ordinaraj ĉambroj estas ekipitaj per satelita televido, telefonoj kaj propraj banĉambroj. La hotelo famas ankaŭ pro siaj restoracioj Piccolo Mondo, Wiener Cafe, Pinocchio Patisserie, kaj la somera teraso, ŝatata kafumejo de ĉiuj zagrebanoj.
7. Hotelo Panorama. Unu el la plej grandaj urbaj hoteloj, antaŭ nelonge funde renovigita. Ĉiuj ĉambroj havas tute novajn meblojn kaj tapiŝojn, klimatizon, satelitan televidon, rektajn telefonojn kaj konektojn por modemoj kaj interreto. La hotelo havas restoracion, tavernon, kafejon, trinkejon kaj kazinon. Ene de la hotelo troviĝas ankaŭ frizejo, aŭtoluejo, kosmetikejo kaj supermarkto. Tuj apude troviĝas granda naĝejo, sporta halo kaj aŭto-parkejo.
9. Hotelo Laguna. Tiu ĉi hotelo situas en Treŝnjevka, unu el la popularaj kvartaloj, je taŭga promendistanco de la kongresejo kaj proksime de tramlinioj. Ĝi distingiĝas per sia familiareca trankvila etoso. Moderne ekipita, destinita unuavice por agrabla loĝado, ne nur pretervojaj tranoktoj. La ĉambroj havas rektajn telefonliniojn, minibar-ŝrankon kaj koloran tele-vidilon. En la hotelo mem troviĝas bona restoracio, taverno kaj trinkejo, vendejo de gazetoj kaj memoraĵoj, banko, frizisto, kosmetikejo, sportejo kun saŭno, kemia lavejo kaj vestolavejo.
11. Hotelo National. Tristela hotelo en Avenuo Vukovar, sufiĉe proksima al la du kongresejoj. Temas pri neluksa sed tre komforta loĝejo kiu povas kontentigi vin en ĉiuj sencoj. Ĝi disponas ĉefe pri dulitaj ĉambroj, kun benejoj, necesejoj kaj telefonoj.
12. Hotelo Jadran. Tiu ĉi familieca hotelo situas en Vlaŝka, unu el la plej antikvaj centraj stratoj de la urbo. Ĝi posedas kaj unu- kaj dulitajn ĉambrojn, samkiel ĉambrojn kun grandaj litoj. Banĉambro kun necesejo, koloraj televidiloj kaj restoracio. La hotelo posedas propran parkejon kaj estas publiktrafike bone lokita kaj taŭge ligita kun la kongresejo.
13. Golden Tulip Holiday Hotel. La hotelo situas ĉe la okcidenta eniro al la urbo, apud aŭtovojo E70 (elirejo "zapad"), 8 kilometrojn de la urbocentro kaj laŭ tute rekta vojo al la kongresejo. Ĉiuj ĉambroj havas grandajn litojn kaj klimatizon, kaj estas ekipitaj per minibaro, satelita televido kaj rekta telefono. En la hotelo estas frizejo, monŝanĝejo, butiko, deponejo por valoraĵoj, lavejo, kaj granda senpaga aŭtoparkejo. Du elegantaj restoracioj kaj taverno ofertas bonegajn internaciajn kaj lokajn pladojn, inkluzive de vegetaraj, grasmoderaj, etkolesterolaj, koŝeraj kaj halalaj dietoj.
14. Hotelo "I". Sendube hotelo kun la plej konciza nomo en la mondo! Ĝi situas ĉe unu el la ĉefaj enirejoj en la urbon, survoje al la kongresejo kaj ĉe bona publika trafikpozicio. Ĉiuj ĉambroj estas kun bankuvo, necesejo, telefono, satelita televido, minibaro kaj balkonoj. En la hotelo estas monŝanĝejo, restoracio, somer-teraso, trinkejo, frizejo kaj foto-studio. Amaso da senpagaj parklokoj, ankaŭ por busoj. Bonegaj restoracioj kun lokaj kaj internaciaj specialaĵoj. Kvin tenisterenoj kaj golfejo por spertuloj kaj komencantoj.

15. Malmultekosta loĝado. Granda vario de prezoj kaj komfortniveloj estas ofertata en diversaj studentaj kaj lernanto-domoj. Mendojn oni faras per aparta mendilo, kiun oni sendu (kun la pago) al Zagrebo (do ne al la CO!). Tiujn ĉi mendojn ne eblas pagi per UEA-kontoj, sed nur per rekta ĝiro aŭ sendo al Zagrebo. Bv. legi pli detale en la flugfolio/mendilo (Pri loĝado en Zagrebo) .

16. Junulara loĝejo. Estas destinita nur por gejunuloj ĝis-30-jaraj. Temas pri trilitaj ĉambroj kun komunaj duŝejoj koridore. Oni antaŭvidas riĉan junularan programon, kiu jam parte estas inkluzivita en la prezo. Pri aliĝoj kaj detaloj bv. informiĝi ĉe: Irina Barač, Ozaljska 112, HR-10000 Zagreb; retpoŝto:i.barac@inet.hr aŭ esperanto@zg.tel.hr.