vizoj

Por eniri la landon

Ĝenerale. Bonvolu noti, ke la reguloj pri vizdonado malsamas laŭ la landoj, kaj ke ili konstante ŝanĝiĝas. Tial bv. nepre mem kontroli ĉe la plej proksima kroata diplomatia reprezentejo (bv. mem trovi ties adreson en via ĉefurbo aŭ najbara lando), ĉu vi devas havi vizon, kaj sub kiuj kondiĉoj. UEA kaj LKK ne povos helpi pri vizpetoj faritaj post la 1-a de majo 2001.

Vizoj. Por eniri la landon necesas havi validan pasporton aŭ (por kelkaj landoj) validan personan identigilon.
La kroatan enirvizon ne bezonas loĝantoj de landoj de la Eŭropa Unio kaj krome de jenaj landoj: Argentino, Aŭstralio, Bosnio kaj Hercegovino, Bulgario, Ĉeĥa Respubliko, Ĉilio, Ekvadoro, Israelo, Japanio, Kanado, Korea Respubliko, Latvio, Liĥtenŝtejno, Litovio, Hungario, Malajzio, Makedonio, Malto, Norvegio, Novzelando, Pollando, Rumanio, Slovakio, Slovenio, Svedio, Svislando, Turkio, Urugvajo, Usono kaj Rusa Federacio.
Cetere, por loĝantoj de Rusa Federacio validas aparta vizreĝimo: senvize oni eniras la landon se oni posedas oficialan aŭ privatan invitleteron, aŭ pruvon pri organizita turisma restado en Kroatio.
Loĝantoj de landoj kie ne ekzistas kroata konsulejo, skribu rekte al LKK por aranĝi la vizon. Bv. atenti: Oni aranĝos la vizojn nur por la aliĝintaj kongresanoj kiuj citas sian kongresan numeron. La petojn de nealiĝintoj LKK bedaŭrinde ne povos trakti.
Aŭtomobilistoj ĉe la eniro devas montri la verdan karton, dokumenton pri internacia aŭto-asekuro.

INFORMOJ PRI AKIRO DE KROATA VIZO
1. Ĉiu kongresano devas sin turni por la vizo al Kroata Esperanto-Ligo (Ul. Kneza Mislava 11, HR-10000 Zagreb, Kroatio, fakso +385-1-4619373, esperanto@zg.tel.hr, kun indiko "vizo").
2. LKK aranĝas vizojn NUR por la jam aliĝintaj kongresanoj. Por pruvi sian
kongresanecon necesas citi la kongresan numeron kaj UEA-kodon. Ankaŭ necesas indiki sian personan (poŝtan) adreson kaj eventuale la retadreson aŭ fakson.
3. La adreso kaj literumo de bazaj informoj estu samaj kiel en la pasporto.
4. Post la ricevo de vizpeto LKK sendos al la petinto du dokumentojn:
a) Formularon de la Ministerio pri Eksteraj Aferoj
b) Rajtigilon kiu rajtigas LKK peti la vizon por la koncernato
6. Ĉiu vizpetanto devas plenigi la suprajn dokumentojn kaj resendi al LKK kaj
aldoni du identajn lastatempajn fotojn. La formularo de la Ministerio devas esti plenigita.
7. Bv. noti: La rajtigilo devas esti stampita de notario en la lando de vizpetanto. Krome oni devas aldoni kopion de la pasporto, ĉefe kopiojn de la paĝo kun la foto kaj informo pri la validodato de la pasporto.
8. Bv. ne forgesi la plej gravan aferon: mencii la datojn de via eniro en Kroation kaj de via foriro el la lando.
9. Ricevinte tiujn informojn, LKK faros garantian leteron por ĉiu vizpetanto kaj ekprocedos por ricevi vizon. Bv. noti ke LKK transprenas certajn respondecojn pri vi, sed ke tio ne havas ian efektivan valoron: vi ne povas surbaze de tio postuli ion de LKK aŭ UEA en la jura aŭ financa senco. Pri ĉiuj ceteraj aferoj validas por vi ĉiuj difinoj de la Kongresa Regularo, de la Dua Bulteno kaj Kondiĉoj pri mendoj kaj malmendoj.
10. La vizo atendos la koncernaton en Kroatio ĉe la landlimo. Gravas informiĝi kaj komuniki ĉe kiu limenirejo la vizpetanto eniros en Kroation, por ke la vizo atendu en la ĝusta loko.
Ekz. gravas diri: mi alflugos (dato, horo, flugnumero, flugkomapanio) aŭ mi venos per aŭto el Hungario (loko, nomo de limtranspasejo) aŭ el Italio, Slovenio k.s.).
11. Grava atentigo:
Por ke KEL laboru por via vizo ni bezonas informon kie vi loĝos dum UK en Zagrebo. Se vi menadas loĝadon pere de LKK aŭ CO de UEA ni aŭtomate konfirmos vian loĝadon. Tamen bv. nepre informi nin kiam, kiel kaj kion vi mendis kaj pagis. Se vi mendis loĝadon pere de iu alia insatanco aŭ peranto, bonvolu informi nin kie vi planas loĝi dum UK (nomo kaj adreso de la loĝejo, konfirmo pri la pago). La loĝkonfirmon sendu al vi (kaj al LKK) via loĝperanto (se alia ol UEA kaj LKK). Ni sendos al vi konfirmilon pri la loĝrezervo por faciligi vian eniron post
kiam vi respondos al la supraj demandoj.
12. Bonvolu konscii ke krom la konfirmo pri loĝado oni povas kontroli ĉe la landlimo ĉu vi havas devigan sumon por restado en Kroatio. Tiu sumo estas 100 DEM tage, respektive 53 EUR tage, kio estas 800 DEM por la kongresa semajno (426 EUR).
13. La kostoj:
Ĉiu vizo kostas 5 EUR por impostmarkoj, afranko kaj adminstraj kostoj. Por tradukkostoj de la notaria letero aŭ notaria stampo el via lando, ĉiu paĝo de tradukita rajtigila dokumento kostas 16 EUR. Bonvolu informi nin kiel vi planas pagi la elspezojn al LKK.
14. Bv. noti ke eĉ se vi foje petis la vizaranĝon kaj poste rezignas pri la
vojaĝo, vi tamen devos pagi la kostojn al LKK.

Spomenka Ŝtimec, sekretario de LKK

Konfirmiloj kaj invitleteroj. Normale la Kongresa Konfirmilo devus sufiĉi por pruvi la kongresanecon al la vizdona instanco. Kroataj konsulejoj povas postuli oficialan invitleteron, kiun UEA sendos al ĉiuj aliĝintaj kongresanoj el vizbezonaj landoj. Al nealiĝintoj oni ne povas sendi invitleterojn nek aliajn konfirmaĵojn. Bv. konscii, ke nek UEA nek LKK povas influi la decidojn de la konsulejoj.
Datoj: Bv. noti, ke la invitletero povas teksti nur por la periodo de la oficiala kongresdaŭro (21-28 julio, eventuale plus daŭro de menditaj antaŭ- kaj/aŭ postkongresoj). Se vi bezonas pli longan restadon, tion vi devas aranĝi private.

Mongarantioj. Senkonsidere ĉu oni havas aŭ ne la vizon, necesas pruvi ĉe la eniro en Kroation, ke oni posedas sufiĉajn monrimedojn por la restado. Al kongresanoj, kiuj mendis kaj pagis loĝadon pere de UEA (aŭ venas je aparta invito de UEA), oni sendos konfirmon pri pagitaj servoj, kio povas parte kompensi la postulon pri posedo de sufiĉaj monrimedoj. UEA kaj LKK ne donas financajn garantiojn al kongresanoj el nepagipovaj landoj. Kongresano mem devas pruvi al la vizdona instanco posedon de sufiĉaj rimedoj por restado en la kongresa lando.

Dogano. Por teknikaj aparatoj, muzikinstrumentoj, necesaĵoj por kampadi ktp, necesas plenigi dogandeklaron, per kiu oni povas ankaŭ elporti la samon el la lando.